Botn
5 egg
4 dl sykur
4 dl Kelloggs kornflögur, muldar
3 dl möndlur, saxaðar
250 gr Síríus suðusúkkulaði konsum, brytjað
1,5 tsk lyftiduft
Karamellukrem
2,5 dl rjómi
1,5 dl sykur
3 msk síróp
2 msk smjör
1 tsk vanilludropar
4 dl rjómi, þeyttur (á milli botna)
|
Botnar:Þeytið eggin og sykurinn vel saman. Blandið þurrefnunum varlega saman við. Bakið í þremur meðalstórum formum (eða sem tvo stóra ferhynda botna smurt á plötu) við 175 C í 20-30 mín.
Karamellukrem: Setjið rjómann, sykurinn og sírópið í pott og sjóðið þar til blandan þykknar (20-30 mín). Hrærið í öðru hvoru. Hrærið að síðustu smjörinu og vanilludropunum saman við. Látið kólna.
Setjið botnana saman með þeyttum rjóma og karamellukreminu og hellið afganginum af karamellukreminu ofan á.
|
