Nýjustu uppskriftirnar

- Soðinn Humar - ekkert hnoðbruð, einfalt gott - Súkkulaðikrem á skúffuköku - Bollur úr sætri kartöflu - Hrísterta með karmellu og súkkulaði - Hjónabandssælan mín, - Marsipanbotn - Vínarbrauð

Prenta út

Lagskipt súkkulaðimús með jarðaberjum og kívíi		Ábætisréttir
Glæsilegur eftirréttur sem gaman er að búa til
200 g Síríus Konsum 70% súkkulaði 50 g smjör, mjúkt 3 egg, aðskilin 100 ml rjómi 25 g flórsykur 3 kíví 200 g jarðarber ristaðar heslihnetur til skreytingar	Bræðið súkkulaðið ásamt smjörinu í vatnsbaði. Aðskilijð eggin og stífþeytið eggjahvíturnar. Blandið eggjarauðum, rjóma og flórsykri saman í annarri skál. Hrærið eggjarauðublönduna saman við brædda súkkulaðið. Blandið stífþeyttu eggjahvítunum varlega saman við súkkulaðið með sleikju. Látið músina kólna aðeins. Afhýðið kívíið og maukið það. Maukið einnig jarðarberin. Takið 6 há og mjó glös og setjið 3 tsk. af jarðarberjamauki á botninn á hverju glasi; notið teskeið með löngu skafti. Setjið súkkulaðimúsina í sprautupoka með löngum stút og sprautið svolitlu af henni í hvert glas. Setjið 3 tsk. af kívímauki ofan á súkklaðiðmúsina og sprautið síðan öðru lagi af súkkulaðimús ofan á. Skreytið glösin með hnetum. Raðið glösunum á bakka og og kælið músina í minnst 2 klukkustundir í ísskáp. Þeim sem vilja fara einföldu leiðina er alveg óhætt að bera músina staka fram með ávaxtamaukinu til hliðar.
Sendandi: Nafnlaus		29/12/2009