Nýjustu uppskriftirnar

- ekkert hnoðbruð, einfalt gott - Súkkulaðikrem á skúffuköku - Bollur úr sætri kartöflu - Hrísterta með karmellu og súkkulaði - Hjónabandssælan mín, - Marsipanbotn - Vínarbrauð - Rækjuréttur Oddnýjar

Prenta út

Forréttur: Ofnbakaður hvítlaukur		Óskilgreindar uppskriftir
Afskaplega bragðgóður og heillandi forréttur. Borinn fram heitur með ristuðum brauðbitum og sýrðum rjóma eða hreinni jógúrt.
Miðað við 4-6: 2-3 heilir hvítlaukar, helst ferskir (seldir í lausu) með stórum rifjum. Ristað brauð, sneiðarnar skornar í þríhyrnur. Sýrður rjómi eða óbragðbætt jógúrt.	Hvíta þurra hýðið hreinsað sem mest utan af hvítlaukunum. Hýðið næst rifjunum ekki snert. Laukarnir hafðir heilir (ekki tæta þá sundur í rif). Laukarnir settir í leirform með loki, eldfast mót með loki eða búið til form úr tvöföldum álpappír sem loka má með því að bretta upp á kantana - gætið þess þá að þrengja ekki um of að laukunum. Dreypið ögn af olíu yfir laukana, svolitlu salti og ögn af nýmuldum pipar. Bakið í ofni við venjulegan bökunarhita í um það bil 30 mínútur. Gott er að dreypa ögn meira af olíu og strá örlitlu salti yfir laukana á miðjum bökunartíma. Borið fram á diski. Laukarnir líta út bakaðir eins og falleg blóm. Neytendur taka brauðbita, smyrja hann með sýrðum rjóma eða óbragðbættri jógúrt. Taka því næst eitt til tvö hvítlauksrif og kreista úr þeim ofan á brauðið. Þá á laukurinn í rifinu að vera meyr og kremkenndur. Og svo er bara að borða þetta með góðri lyst meðan það endist og drekka eitthvað bragðgott með. Athugið: Fyrir þá sem haldnir eru þeirri trú að þeir angi af hvítlaukslykt eftir að hafa snætt hann eru til ýmis ráð. 1) Að tyggja anisfræ að máltíð lokinni. 2) Að tyggja fræ úr heilum kardimommum að máltíð lokinni. 3) Að láta eins og ekkert sé - og það er best því það er ekkert nema ímyndunin sem veldur hvítlaukslykt :-)
Sendandi: Sverrir Páll <svp@ismennt.is>		02/05/1995