Frost og Funi

Ábætisréttir

Skemmtilegur og fljótlegur eftirréttur. Undir gylltum marengsnum leynist ís með ávöxtum.

Efni:
Botn:
1 stk Egg
4 msk Sykur
2 msk Hveiti
½ tsk Lyftiduft

Fylling:
1 dós Blandaðir ávextir (400 g)
½ lítri Vanilluís

Skreyting:
4 stk Eggjahvítur
1 dl Sykur
2 msk Möndluspænir

Meðhöndlun
Hitið ofninn í 250°C.

Smyrjið kringlótt tertuform (24cm í þvermál), gjarnan með lausum botni.

Þeytið saman egg og sykur. Bætið hveitinu út í ásamt lyftiduftinu. Hellið deiginu í formið. Bakið í 5 mín. Hvolfið botninum upp á fat. Leyfið honum að kólna.

Stífþeytið eggjahvíturnar. Bætið sykrinum út í smám saman. Þeytið áfram þar til massinn er orðinn stinnur.

Sneiðið vanilluísinn. Leggið sneiðarnar á helming botnsins. Hellið safanum af ávöxtunum, stráið yfir ísinn og leggið síðan botninn saman. Þekið botninn með maregnsmassanum og stráið yfir hann möndlum. Stingið fatinu í ofninn við yfirhita í ca. 5mín eða þar til maregnsinn hefur tekið gylltan lit.

Berið fram strax!

Merkilegt hvað það venst illa að skrifa "maregns"!

Sendandi: Arnar Ólafsson <pollur@simnet.is> (10/11/2004)


UppskriftaWWWefurinn - www.eldhus.is
Ingimar og Siggi