Daim ostakaka
Brauð og kökur
Æðislega góð og einföld nammiostakaka
Efni:
Botn:
120 g súkkulaðikex (Homeblest er best)
40 g smjör
Fylling:
300 g rjómaostur
1 dl sykur
2 msk mjög sterkt kaffi (sem búið er að laga)
2 dl rjómi, þeyttur
75 g Daim kúlur (ca einn poki)
Skraut:
Kiwi (má sleppa)
25 g Daim kúlur
Meðhöndlun
Botn:
Myljið súkkulaðikexið mjög smátt, bræðið smjörið, bætið súkkulaðikexinu út í smjörið og hrærið vel saman. Þessu er svo þrýst í botninn á álmóti.
Fylling:
Hrærið ost og sykur, blandið kaffinu saman við, síðan þeyttum rjóma og Daim kúlum. Setjið fyllinguna yfir kexmylsnuna og kælið.
Skraut:
Afhýðið Kiwi-ið og skerið í þunnar sneiðar, raðið í hring ofan á kökuna og setjið Daim kúlurnar í miðjuna.
Gott er að búa kökuna til daginn áður en á að borða hana. En hún verður síður en svo verri eftir 2 daga.
Sendandi: Edda <saints@talnet.is> (19/02/2004)