Mömmukökur

Smákökur og konfekt

ALgjört gúmmelaði..verð að fá svona á hverjum jólum

Efni:
500 gr Hveiti
125 gr Smjörlíki
250 gr Sýróp
2 tsk Engifer
1 tsk Natron
1 stk Egg

Krem:

200 gr flórsykur
100 gr smjör (linað ekki brætt)
vanillusykur... slatti

Meðhöndlun
Takið fyrst eina skál, gott að það sé hrærivél sem getur hnoðað, Setjið svo allt saman út í, eitt í einu og hrærið svo saman.

Byrjið að hræra á lágum snúning hraðinn er svo aukinn eftir tilfinningu hvers og eins.

Gott er að taka deigið úr hrærivélinni og hnoða það í höndunum, á borði, svona í restina.

Einnig er gott að hafa smjörlíkið lint, t.d láta það standa yfir nótt á borðinu, ekki bræða það í potti eða örbylgjuofni.

Látið deigið inn í ískáp í einhvern tíma (yfir nótt)
og fletjið svo út og gerið hringlaga kökur. Hægt er að nota glas.

Bakið við 175 c° þar til þær eru ljósbrúnar.

Látið kólna og gerið kremið á meðan.

Krem:
Hrærið efnunum saman og smakkið aðeins til, ef smjörbragð er af kreminu skellið örlítið meiri flórsykri og vanillusykri. Smyrjið á kökurnar og gerið svona kökusamlokur, sem sagt 2 og 2 saman.

Setjið í dunk, gott er að henda einni brauðsneið með svo þær haldist linar.

Sendandi: Heiða Sigrún <Heida@Hagstofa.is> (06/12/2001)


UppskriftaWWWefurinn - www.eldhus.is
Ingimar og Siggi