Rolo-múffur
Brauð og kökur
slurp :)
Efni:
100 gr smjör, lint
100 gr sykur
2 egg
½ tsk vanilluessens
100 gr dökkt súkkulaði
175 gr hveiti
1 tsk lyftiduft
Salt á hnífsoddi
1 dl mjólk
1 Rolo-rúlla
Meðhöndlun
1. Ofninn hitaður í 190°c.
2. Smjör og sykur hrært létt og ljóst. Eggjunum þeytt saman við, einu í einu, ásamt vanilluessens.
3. Súkkulaðið brætt í vatnsbaði eða örbylgjuofni og hrært saman við.
4. Hveiti, lyftidufti og salti blandað saman og hrært saman við deigið í 2-3 skömmtum til skiptis við mjólkina.
5. Skipt í 10 múffuform (svona álform eins og fæst t.d. í IKEA), pappírsklædd eða vel smurð (eða húðuð, og síðan er einn Rolo-biti settur á miðjuna á hverju formi og ýtt vel niður, þar til hann er sokkinn í deigið.
6. Sett í ofninn og bakað í um 20 mínútur en þá tekið út, látið kólna dálítið í forminu og síðan hvolft á grind.
Sendandi: Linda (18/02/2010)