Pizza með kjúklingakjöti
Pizzur og pasta
Alveg sérstaklega holl og góð pizza
Efni:
Speltbotn:
5 dl. spelt
3 tsk. lyftiduft
1 tsk salt
2 msk. ólívuolía
1 msk. krydd
ca. 3 dl AB-mjólk eða heitt vatn
2 kjúklingabringur, skornar í strimla
2 msk balsamic edik
1 msk olívuolía til að steikja upp úr.
1 rauðlaukur
pizzusósa eða saxaðir/maukaðir sólþurrkaðir tómatar.
1 kúla Mozzarellaostur
1 búnt ferskt koriander
Meðhöndlun
Kjúllastrimlarnir eru lagðir í marineringu í 10 mín í 1 msk af balsamic edik.
Pizzadegið búið til og leyft að standa á meðan restin er undirbúin.
Rauðlaukurinn steiktur upp úr olívuolíunni og 1 msk af balsamic edik bætt út í. Kjúllastrimlarnir svo steiktir. Pizzadegið flatt út, pizzasósu/sólþurrkuðum tómötum dreift yfir, svo lauknum, kjúllastrimlunum og að síðustu er Mozzarella osturinn skorinn niður og dreift um pizzuna. Setja á 200C gráður í uþb15 mín eða þar til pizzan er orðin gyllt og sæt. Þegar pizzan kemur út úr ofninum er söxuðu fersku koriander dreift yfir.
Sendandi: Friðrika Kr. Stefánsdóttir <fridrika@flott.is> (05/10/2007)